Anthurium

O anturio, tamén chamado planta do amor, é unha planta de interior orixinaria de Sudamérica e pertencente á familia Araceae. A especie máis cultivada, Anthurium andreanum, caracterízase pola espata vermella e o espádice amarelo. As súas inflorescencias, que consisten nun espádice con moitas flores minúsculas rodeado pola espata, poden durar até dous meses; cómpre cortalas cando se marchiten para incentivar novas floracións. Ten ademais follas verdes en forma de corazón ou lanceoladas, robustas e moi ornamentais.

Como procede da selva tropical, precisa luz abundante pero filtrada e un ambiente húmido. É recomendábel situala preto dunha fiestra con cortina para evitar a exposición directa ao sol. O substrato debe estar sempre húmido pero sen exceso de auga; na primavera e no verán regase un par de veces por semana, reducindo o rego no inverno. Despois do rego cómpre retirar a auga sobrante. Para manter a humidade, pódense pulverizar as follas ou empregar humidificadores. Durante a época de floración, convén engadir un fertilizante específico cada quince días.

Inclue tarxeta con mensaxe personalizado. Entrega na zona de Noia, Outes, Lousame, Porto do Son, Ribeira, Ames, Santiago, ect